sa paghuna.

ta paghuna ta kasubago mauran.
madaradagom,
malipot si duros,
kaya naghalat kita
sagkod nagrewind ning dikit
kang mga pirang bulan
duman sa tukawan.
na naka-abot kung sain man
puedeng uranan.
tapos kapot, hadok.
sabay halat giraray.
nag-alok ka na mapauran kita.
na garo mga aki, na
garo ngonyan pa lang
makakamati ning lipot.
sabi ko iyo,
pero habo ko muna maghali duman
sa kaimbungan kang paghalat ta.

Iyo, sige, niako.
ulay na muna kita,
ta mayo pa man ang lipot kang uran.

dai nadagos si uran kang hapon na ito.
banggi na,
kang nasa taas kita.
nagdadangog sa ribok kang atop.
sagkod kita, imbong na lang gabos
asin kugos.